Finfine la tempo alvenis por havi 2 semajnojn da ferio. Tamen la
somero almenaux finigxis, kial havi feriojn tiel "malfrue" vi povus
demandi. La respondo estas tre simpla: miaj kolegoj ankaux havis
feriojn (unu el ili 4 semajnojn) kaj do mi estis la sola programisto
en la projekto. Sed ili nun estas en la oficejo kaj finfine mi havas
feriojn.
Malfelicxe mi ne kusxas cxe la marbordo cxar mia bopatrino estas
iom malsana. Sxi estis operaciita kaj nun sxi devas plifortigxi.
Memkompreneble mia edzino nuntempe estas kun sxi kaj kun sxiaj aliaj
familianoj proksimume 110 km for de mi. Cxar mi ankaux estas cxe miaj
gepatroj.
Se mi bone memoras mi jam menciis, ke miaj gepatroj kaj bogepatroj
logxas en alia lando. Ni hieraux flugis kaj nin surprizis, ke la
aviadilo gxustatempe alterigxis kaj ne malfruis. La masxino venis el
Londono kaj gxi tre ofte malfruas. Fakte estis la unua tempo kiam ni
ne devis atendi unu horon aldonan.
# Legomoj
Ni jam mangxis la plejmulton da legomoj el niaj florkestoj cxe la
balkono. Do mi povas raporti, ke la rafanetojn ni mem mangxis kaj ne
la rauxpoj :)
Nur unu eta tomatujo restis, sed mi pensas ke gxi ne travivos gxis ni
alvenos hejmen.
# Planoj
Cxu mi havas planoj por miaj liberaj tagoj? Jes ja! Mi volas lerni pli
pri programlingvo Python (mi uzas Pythonista, kaj treege sxatas gxin)
kaj mi volas kunigi miajn KSH skriptojn per kiuj mi manipulas mian
"posxratan truon". Nuntempe mi havas unu skripton por aldoni novan
enigon, unu alian por gxisdatigi la gophermapon, ktp. Mi volas aldoni
ian menuon kaj tiel elekti la oportunan agon.
Mi ankaux volas skribi pli ofte cxi tie. Eble aldoni anglalingvan
sekcion. Mi vidis esperantan flogajxon de unu uzanto sed malfelicxe mi
forgesis la nomon.
