!Goretti Publications Gopherspace - Poetry
__^__ __^__
( ___ )----------------------------------( ___ )
| / | _____ _ | \ |
| / | | __ \ | | | \ |
| / | | |__) |__ ___| |_ _ __ _ _ | \ |
| / | | ___/ _ \ / _ \ __| '__| | | | | \ |
| / | | | | (_) | __/ |_| | | |_| | | \ |
| / | |_| \___/ \___|\__|_| \__, | | \ |
| / | __/ | | \ |
|___| |___/ |___|
(_____)----------------------------------(_____)
O Rex Magne
Donald P. Goodman III
O rex magne imperator!
Super omnes res regnator!
Potens et terribilis!
Rex es jure sanguinale,
heres, ex patre regale,
David, servi fidelis!
Diu Israel promissus,
de cippo ramus emissus,
virga Jesse radice.
Ejus gente expectatus,
justus rex et celebratus,
regnans jure sanguine!
Et jure creationis,
Filius dilectionis
Rex in locis omnibus!
Naturæ omnis fundator,
universi et creator,
magnis potentatibus!
Quod jus majus possibile
quam hoc opus mirabile,
et facta subtilia?
Rex qui nos redemit, ave!
onere dura, insuave!
Facta ineffabilia!
Et qui meruit stellarum
solum coronam spinarum
ex recepit homine!
Homines, qui sunt ingrati,
redempti et sunt salvati,
ab ejus regimine!
Juste omnes sibi sedem
statuunt sub ejus pedem,
grati regi salutis!
Omnis rex in terris subdit
regi se qui reges regit,
vitam dat his parvulis!
Gloriam nos regi demus!
Eum semper nos laudemus!
Honoremus amanter!
Semper palam serviamus!
super omnes diligamus!
Adora infiniter!
Patri, Filio offeram
Spirituique gloriam!
