Author Name: GlobalVoices.
(C) GlobalVoices.org
This unaltered story was originally published on GlobalVoices.org.[1]
Republishing Guidelines:
url:
https://globalvoices.org/about/global-voices-attribution-policy/
--------------------
Brasil, ch’umi markanx mä awyunaw paqallqu pasajirun jalaqtasin chhaqhata ukxat janiw khitis yatiykiti · Global Voices Aymarata [1]
['Global Voices Lusofonia']
Date: 2018-12-09 00:00:00
2 uru jalluqallta phaxsit saraqatat aka 2018 maranx mä jisk'a awyunaw aldea Matawaré markat thuqtawayatayna, uka markax Brasil, Amapá marka ch'umi taypin jikxatasi. Akuriyó markatx mä mamaw tullqapamp ukankäna, tiriyó markatx mä wila masi– mä yatichirimp warimipamp kimsa wawapamp kunaw sarapxäna. Piloto Jeziel Barbosa, 61 marani, Moura markankiriwa.
Ch’umin jakasir markachirinakax awyun alkilañ yatipxatayna, Laranjal do Jari markanakar sarañataki, Macapá jach’a markar puriñatakix k’añaskutx pusi pachaw sarapxiritayna. Awyun alkilasisax mä pachanakw puripxarakiritayna, 3000 reales (niya 770 dólares) ukhaw chanipaxa. Niya jalawayxatatx 25 k’atha saraqkipanw Jeziel pilotox radio tuqiw yatiyatayna akatjamat uraqir purix sasina. Ukaw qhipa yatiyawix yatisïna. Sitio Web G1 ukan yatiyäwiparjamax awyunax kawkharutï sarki ukx jamasat jan yatiyasaw saratayna.
Tunka phisqhan uru 128 pacha chhaqhataxatapat Fuerza Aérea Brasileña uksatx chhaqhatanakar thaqhañax suyt’asxaniw sasinw yatiyxäna. Pä awunamp mä chhixwiririmpix 12 500 kilômetros cuadrados ukch’a jaywa thaqhasax sarapxatayna, niya 12 000 campos de futbol jäll ukhama. Ukhamipanx ch’uminakaw jan thaqhañjam uñstarxatayna.
Agência Brasil, piloto jupan masinakapan ukhamarak –apalai, akuriyó, tiriyó ukat waiana– markankir chhaqhatanakan masinaparjamax jupanakaw uka ch’umin thaqhasipki sasin yatisi. Estado de Amapá uksan indígenas tamankirinakax janiw iyawapkit Fuerza Aérea ukan jan thaqhawimp yanapt’asitapampixa.
Tamakirix awyun puriñ thakhiw jan sum utjkit ukat thaqhawix suyt’asxi sasin arst’awayi. G1, Ministerio Público Federal uka 249 awyun puriñanakaw Brasil markan ch’umi uraqinakapan jan iyawsatakiti jamasatak utjaski sasin yatiyi. Amapá uksanak “17 awyun puriñanakax askin utjaski ukax qullayasiñ utar sarañataki, yatiqañ utar sarañataki ukatak apanaqatawa”.
Yaqhip yatiyäwinak ayatiyirinakax janiw p’iqinchawinak uñt’aykiti. Kimsaqallquniw uraqpachan ch’umin chhaqhata ukatx markanx jilpachaniw jan kunatï mäkiptk ukatx amuyasipkiti.
Sitio G1, ukax chhaqhatan ukhamarak piloton wila masinakapamp aruskipatatw yatiyi. Taqiniw chhaqhatatax arst’apxatayna, Ejercito uksatax thaqhañ yanapt’apxakitasp sasin arst’apxatayna. Asxarañax juk’ampiw jach’apti.
Flávia Moura, piloto phuchhapawa, jupax akham arst’i :
Meu pai conhece a região, já voa há bastante tempo, então a gente sabe que ele deu o jeito dele de pousar em algum lugar, só que na selva é difícil encontrar. A gente sabe a dificuldade no resgate aéreo, mas queremos encontrá-lo, por isso a gente reuniu alguns garimpeiros e índios amigos do meu pai, que estão na mata. Só que a gente quer ajuda do Exército que tem preparo pra isso.
[END]
(C) GlobalVoices
Licensed under Creative Commons Attribution 3.0 Unported (CC BY 3.0)
[1] Url:
https://aym.globalvoices.org/2018/12/9127
via Magical.Fish Gopher News Feeds:
gopher://magical.fish/1/feeds/news/globalvoices/
