Author Name: GlobalVoices.
(C) GlobalVoices.org
This unaltered story was originally published on GlobalVoices.org.[1]
Republishing Guidelines:
url:https://globalvoices.org/about/global-voices-attribution-policy/
--------------------



Atleta Olimpiku Timoroan sira nia mensajen ba Timor-Leste [1]
[]
Date: 2016-09-15 00:00:00

Timor-Leste la manan medalha iha Olimpiada Rio de Janeiro 2016 nian, maibe atleta timoroan sira aproveita biban nebe iha hodi haruka mensajen inspirasaun ba timoroan sira hotu liu husi Global Voices (GV).

Ba Olimpiada nebe hahu iha Brasil, Rio de Janeiro tinan ne'e nian, entre loron 5 to'o 21 fulan Agostu, Timor-Leste mos hetan fatin hodi partisipa ho modalidade atletismu femininu ho Nelia Martins, maskulinu ho Augusto Soares no modalidade siklismu femininu, cross country mountain bike ho Francelina Cabral.

Nelia Martins, tinan 18, atleta otas foin-sa'e husi delegasaun Timor-Leste iha Jogu Olimpiku. Iha tinan 2014 nia kompete iha atletismu femininu 5000m jogu Luzufonia iha India no hetan IV lugar no iha 2015 nia tuir mos kompetisaun Jogu Azia nian (Southeast Asian Games 2015) iha Singapura. Tinan ida ne'e iha Rio de Janeiro Nelia hetan 13º lugar iha atletismu femininu 1500m nian.

Koalia ho Global Voices, Nelia hato'o nia mensajen:

Augusto Soares, atleta senior husi delegasaun Olimpika Timor-Leste. Iha 2007 tuir kompetisaun atletismu Asian Indoor Games 3000m iha Macau. Iha tinan 2009 Augusto tuir maratona iha Southeast Asian Games iha Vietnam, Laos. Iha 2010 halai-taru mos iha Dili Half Marathon Timor-Leste, no iha 2011 tama iha 5000m Kampeonatu Asia iha Koba, Japaun. Tinan ida ne'e iha Jogu Olimpiku Rio de Janeiro, Augusto tuir atletismu maskulinu 1500m nian nebe remata iha 12º lugar.

Augusto mos koalia ho Global Voices hafoin hotu nia halai-taru:

“Primeiro hw hkrak fo obrigado ba maromk tan buat kmanek tomak mai husi Nia…No Mos ba Familia Treinador nebe uluk hnorin no htudu dalan ida ne mai hau sr Aguida Amaral no mos ba treinador no kolega sra hotu. Ami orgulho tamba ble Lori nasaun no Bandeira RDTL mai participa ih jogos olympico Rio de Janeiro ba dala xxI liu husi evento ne Maske ami la manan buat ruma.

Husu ba maluk joven sira atu hakribi problema husi ita nia an ato fo ita nia an at participa iha mundu Desportivas atu ble desenvolve ita nia an no mos ble fo mos kontribuisaun ba ita nia nasaun hnesan dalan nebe uluk ita asuwain sira htudu nanis ona durante iha sira nia luta…mak ne dt bin Ikus hw la haluhan…VIVA TIMOR LESTE……”

[END]

(C) GlobalVoices
Licensed under Creative Commons Attribution 3.0 Unported (CC BY 3.0)
[1] Url: https://tet.globalvoices.org/2016/09/15/84/

via Magical.Fish Gopher News Feeds:
gopher://magical.fish/1/feeds/news/globalvoices/