\input ks_macros.tex
\poetrysize
\centerline{DE LOCO, IN QUO MARTYRES PASSI SUNT,}
\centerline{NUNC BAPTlSTERIUM EST CALAGURRI.}
\bigskip
{\obeylines\linesbyfive
Electus Christo locus est, ubi corda probata
\quad prouehat ad caelum sanguine, purget aqua.
Hic duo purpureum domini pro nomine caesi
\quad martyrium pulchra morte tulere uiri.
Hic etiam liquido fluit indulgentia fonte
\quad ac ueteres maculas diluit amne nouo.
Qui cupit aeternum caeli conscendere regnum,
\quad huc ueniat sitiens, ecce parata uia est.
Ante coronati scandebant ardua testes
\quad atria, nunc lotae celsa petunt animae.
Spiritus aeterno solitus descendere lapsu,
\quad ut dederat palmam, sic tribuit ueniam.
Haurit terra sacros aut fonte aut sanguine rores
\quad exundatque suo iugiter uda deo.
Ipse loci est dominus, laterum cui uulnere utroque
\quad hinc cruor effusus fluxit et inde latex.
Ibitis hinc, ut quisque potest, per uulnera Christi
\quad euectus gladiis alter et alter aquis.
}\bye

You are viewing proxied material from gopher.quux.org. The copyright of proxied material belongs to its original authors. Any comments or complaints in relation to proxied material should be directed to the original authors of the content concerned. Please see the disclaimer for more details.